7 نصائح ذهبية لبناء فريق عمل ناجح

لقد أصبح النجاح حُلماً يُراود الكثيرين، ما الذي علينا فعله كي ننجح في أعمالنا؟

أصبحت الأعمال في أيامنا هذه أكثر تعقيداً، فالفرص لا تتأتى بسهولة، والتنافس أضحى شديداً، والحياة لا تتوقف عن الحركة السريعة.

لقد أصبح العمل الجماعي سمة العصر، وعليك كي تنجح أن تعمل بطريقة تختلف عن سابقاتها، لا يمكنك أن تُنافس بقوة إذا اعتمدت على فكرة أن تكون رجل كلِّ المهمات المستحيلة، لقد ولّى هذا الزمان، وعليك أن تستخدم أدوات أكثر جدوى وسرعة وأفضل أداء.

بواسطة فريق التحرير في 4/16/2015 12:50:00 ص تحت قسم سوق العمل، مقالات

ازاي تسوق لنفسك من خلال Linkedin

 
يعتبر الكثيرون ان Linkedin بمثابة Online Resume يستخدم فقط في البحث عن وظائف؛ لكن الـ Profile بتاعك على لينكد ان يعتبر ايضا اعلان Online يمكنك استخدامه فى التسويق لنفسك وعرض موهبتك ومهاراتك بشكل مميز عن الألاف من المنافسين لك فى نفس مجالك، ويمكن استخدامه فى قياس مدى شهرتك فى مجال عملك واذا كنت من المميزين فيه ،كما يمكنك ايضا استخدامه فى الحصول على فرص اقوى وبناء شبكة علاقات قوية فى مجالك...

ثلاث خطوات هيساعدوك تستغل Linkedin Profile كوسيلة تسوق بيها لنفسك فى مجالك وتوصل لفرص اقوى :

 أولا: انك تبنى بروفايل قوى تعرض بيه نفسك كواحد من المميزين فى مجالك:
البروفايل الشخصى على لينكد ان مش مجرد Online CV بتكتب فيه معلومات عن مؤهلاتك وانجازاتك؛ المنافسة القوية فى السوق بتطلب منك انك تظهر نفسك بشكل مميز ومختلف عن منافسينك فى نفس مجالك عشان توصل للفرص المتاحة قبلهم.
ومفهوم المنافسة تغيرحاليا يعنى التميز فى مجالك مش معناه انك تكون عندك عدد سنين خبرة اكتر او معاك شهادات اقوى او حتى اشتغلت فى شركات اكبر الفكرة كلها اتحولت لطريقة عرضك لانجازاتك اللى حققتها وازاى هتقدر تفيد بيها اى شركة او شخص هتشتغل معاه.
وعشان كده لازم تظهر الموضوع ده في البروفايل بتاعك عن طريق :

1- Catchy Headline
عنوان البروفايل بتاعك هو اول حاجة الناس بتشوفها عنك وده اللى هيخليهم مهتمين انهم يعرفوا عنك اكتر فحاول تجذب الانتباه وتعرض نفسك بشكل مميز عن طريق الاتى:
"انت مين وبتعمل ايه "منصب وتخصصات / صورة واضحة لوجهك وانت مبتسم عشان الناس تعرفك اكتر لو قابلوك فى اى مكان / انت ازاى هتساعد الشركات اللى هتشتغل فيها او العملاء اللى هتشتغل معاهم .
باختصار عنوان البروفايل بتاعة زي لافتة المحل كل ما كانت مميزة هتجذب عدد اكتر من الناس انهم يدخلوا يتفرجوا على اللى في المحل وده بيزود من فرصة انهم يشتروا من المحل ده ،حاول تستغل العنوان فى انك تعرض نفسك بشكل مميز.

2- Fruitful Profile
البروفايل بتاعك لازم يكون كامل وتتكلم فيه عن كل الخبرات اللى انت مريت بيها والانجازات اللى حققتها واللى بتتعلق بالمجال بتاعك وكمان تثبت ده بتوصيات من دائرة علاقاتك اللى اشتغلت معاهم.


ثانيا: اعمل دعايا اكتر لنفسك وعرف الناس بيك وبموهبتك:
لو عندك محل او شركة كويسة ومعملتش ليها دعايا او فكرت ازاى هتسوق ليها يبقى كل حاجة عملتها فى المحل او الشركة دى ملهاش لازمة؛ وممكن تعمل دعايا لنفسك عن طريق :

1- الـ Groups المتعلقة بمجالك على Linkedin :
اشترك في الـ Groups المتعلقة بمجالك وحاول تكون فعال عليها عن طريق انك تنشر مقالات متعلقة بمجالك او تساهم فى المناقشات الموجودة وتعرض رأيك وده هيعرف الناس عنك اكتر وهيخليهم عايزين يعرفو اكتر عنك وهيجذبهم انهم يفتحوا البروفايل بتاعك وده هيديك ميزة اكتر من منافسينك .

2- Status Updates
كل حاجة بتنشرها هيكون ليها تأثير كبير على سمعتك فى مجالك فاحاول دايما تنشر موضوعات تتعلق بمجالك وتكون بتاعتك وده هيخليهم يهتموا بيك اكتر ويلاحظوا شغفك بمجالك .

3- Email Signature
ممكن تكتب لينك البروفايل بتاعك فى اى توقيع البريد الشخصى ليك وده هيوجه الناس انها تزورالبروفايل بتاعك وتعرف عنك اكتر وده يساعدك تعرض مميازتك بشكل اكبر .
 الموقع ده wisestamp.com هيساعدك تعمل توقيع للايميل وترفقها بكل ايميل تبعته .
وده مثال عليه


4- Link in Resume
ممكن تحط لينك البروفايل بتاعك في الـ CV وانت بتقدم على اي وظيفة.


ثالثا: قيم النتائج اللى وصلتلها من كل الانشطة اللى فاتت:
الغرض من كل الاساليب اللى فاتت انك تخلى ناس اكتر تعرف عنك وتلاحظك وتزور البروفايل بتاعك عشان تعرف عنك اكتر وبالتالى ممكن يرشحوك لأى فرص تتعلق بمجالك ويتواصلوا معاك شخصيا.
واحسب عدد الزيارات اللى جاتلك واقسمهم على 90 يوم وده هيديك متوسط عدد الزيارات اليومية
بتاعك وهيعرفك مدى نجاح الانشطة اللى انت كنت بتعملها وازاى خلت ناس اكتر تعرف عنك .

934/90= 10.3 زائر فى اليوم



لو شايف ان الكلام ده كتير وصعب تطبيقه فا تخيل فى كام الف واحد فى مجالك ممكن يكونوا احسن منك فى الخبرات او المؤهلات او العلم وعندهم مميزات اكتر منك كتير بس عندهم مشكلة واحدة وهى ان محدش كتير يعرف عنهم وانت بالوسائل دى هتعرف ناس اكتر عنك وده هيساعدك تحصل على فرص اقوى حتى لو كنت مش احسن واحد فى مجالك بس انت اللى الناس سمعت عنه.

بواسطة فريق التحرير في 4/10/2015 03:43:00 م تحت قسم سوق العمل

ازاي ممكن تعمل CV ورقى من خلال موقع Linkedin

لو انت لسة فى اول الـ career بتاعك ومعندكش CV ومش عارف ممكن تكتب فيها ايه ومحتوايتها تكون ازاى وايه افضل طريقة وشكل لكتابتها ؛

لينكد ان ممكن يساعدك عن طريق خدمة Resume Builder.
واللى ممكن من خلالها تقدر تبنى ال C.V بتاعتك بأشكال مختلفة وتعدلها فى اى وقت اونلاين وتشيرها على وسائل التواصل الاجتماعى بتاعتك.
وعشان تستخدمها لازم يكون عندك حساب على Linkedin !! 

ولو معندكش ممكن تبنى حساب عليه وتبتدى تجاوب على الاسئلة اللى هيطلبها منك عن دراستك وخبراتك ومهاراتك والمجال بتاعك كمان وبمجرد ما تبنى بروفايل على لينكد ان ممكن تخش على اللينك ده مباشرة وتبتدى تكون ال C.V بتاعك وتشيره اونلاين مع كل اصحابك

بواسطة فريق التحرير في 4/10/2015 02:44:00 م تحت قسم سوق العمل

4 نصائح تكتب بيها Summery قوى عن نفسك في linkedin

جزء الـ Summary فى الـ Profile على موقع Linekdin فى ناس كتير مش عارفة اهميته او ازاى ممكن تكتبه بشكل قوى عشان تعرض فيه مميزاتها !!!

يعتبر ال Summary من اهم الاجزاء فى ال Profile بتاعك او ال C.V لانه اول حاجة بتتقرى عنك وبيدور عليها ال HR / Recruiter عشان يعرف نبذه مختصرة عنك وعن مميزاتك وشطارتك وازاى ممكن يستفيدوا منك وكمان ده الجزء اللى هتعرض فيه تميزك فى مجالك  ..
و ده ممكن يختلف شوية ما بين Linkedin وما بين ال Resume نظرا للمساحة طبعا .

• 4 نصائح تساعدك تكتب Summary قوى على Linkedin بالتحديد ؟

1- قسم ال Summary ل 3 اجزاء او قطع هنتكلم فى كل قطعة عن حاجة معينة:

- اول جزء هتتكلم فيه عن نفسك بمعنى انت مين وبتعمل ايه حاليا "زى اسمك ومنصبك الحالى والحاجات اللى انت شغال فيها دلوقتى وممكن كمان تتكلم عن التخصصات الاساسية الحالية ليك واللى بتميزك عن اى حد فى مجالك.
مثال:
I am a research professional and LinkedIn trainer with more than eight years of combined market intelligence, competitive intelligence and Internet recruiting experience. My focus has been on deep web sourcing, executive interviews and online social networking.

- تانى جزء هتتكلكم فيه عن تاريخك او انت ازاى وصلت للى انت فيه حاليا وازاى انت مميز فى اللى بتعمله وايه الانجازات اللى انت حققتها خلال الفترة اللى فاتت.
مثال:
Over 17 years of expertise providing social networking strategy consulting and implementation in organizations such as Motorola, BF Goodrich, AT&T, American Express, CNA, and hundreds of emerging companies looking to build key account relationships with large organizations, innovate new products or build their brands through social networking.

- ثالثا لازم تعرض وتوضح للناس اللى انت بستهدفهم سواء كانوا شركات او افراد ازاى ممكن يستفيدوا منك او انت ممكن تساعدهم فى ايه وازاى كمان يتواصلوا معاك عشان يحصلوا على خدماتك: 
مثال من ال Profile الشخصى ليا على Linkedin :

If you're a talented individual, job seeker or career changer who want to achieve career success, showcase your talent, build your personal brand & stand out of market competition, 
It will be my honor to help you stand out of the crowd.
Feel free to contact me at: 

2- حاول متستخدمش الكلمات المهروسة قبل كده عشان تعرض نفسك زى ما ذكر فى المقال ده عن اكثر كلمات الناس بتستخدمها فى انها تتكلم عن نفسها:
لينك المقال: http://bit.ly/inbuzzwords13

3- حاول تحكى قصتك بشكل شخصى كأنك بتحكيها لشخص قاعد قدامك عشان الموضوع يبقى ممتع للقرائة ومحسش انى بقرأ كتاب او بحث.

4- حاول تختصر على قد ما تقدر لان محدش عنده الوقت الكافى انه يسمع كل قصتك الا لو شديته او حس انك ممكن تفيده.

 

 

اتمنى تكون استفدت من المقال وعرفت ازاى تكتب Summary قوى عنك على Linkedin .

بواسطة فريق التحرير في 4/10/2015 02:03:00 م تحت قسم سوق العمل

10 نصائح لبناء بروفايل قوى على linkedin

10 نصائح تساعدك تبنى Profile قوى ليك على Linkedin يميزك عن اى حد تانى فى مجالك

كتير مننا ممكن يكون عنده حساب على Linkedin ومش بيستخدمه او بيتفاعل عليه !!!

لو انت بدور على شغل او عايز تتميز فى المجال بتاعك ومش بتستخدم Linkedin فـ احب اقولك انت بتضيع على نفسك فرص قوية جدااا.

لان بمنتهى البساطة اكثر من 80% من ال HR / Recruiters بيستخدموا Linkedin فى البحث عن مواهب فى مختلف المجالات ولو انت مش موجود على Linkedin يبقى انت مش من المميزين فى المجال بتاعك !!!

• 10 خطوات تساعدك تبنى Profile قوى ليك على Linkedin:

1- Profile Picture 
حط صورة Professional ليك على Linkedin بتوضح وشك كويس وانت مبتسم وبخلفية مناسبة لان دى اول حاجة بيشوفها الناس عنك ودى اللى هتديهم انطباع مبدئى عنك.

2- Profile Headline
العنوان الرئيسى لل Profile وده أول جزء بيظهر فى ال Profile بتاعك وبدل ما تكتب فيه منصبك الحالى بس حاول تبيع نفسك بشكل مميز اكتر وتقول انت مميز فى ايه او ايه الاضافة اللى انت بضيفها فى مجالك .



3- Summary
وده من اهم الاجزاء اللى فى ال Profile وممكن تكتبه عن طريق انك تجاوب على الاسئلة دى ؟
- Who Are You ?
- What Problem Do You Solve?
- How You are unique in your career ?
- How I could get benefits from you ?
- How to contact with you ?

4- Experience 
معظم الناس هنا بتكتب المناصب بتاعتها وتنقل الوصف الوظيفى وتحطه بس الافضل انك تكتب Achievements مش بس مجموعة Tasks بتعملها ولكن تعرض انت ازاى اضفت حاجة او حليت مشكلة اثناء شغلك فى الشركة دى. 

5- Skills & Endorsements
وده جزء مهم جدااا انك توضح فيه ايه المهارت اللى عندك واللى بتعرضك كواحد من احسن الناس فى مجالك .


6- Projects:
وده جزء ممكن تكتب فيه اى مشاريع اشتركت فيها او ورش عمل او حتى فريق بحث وده بيساعدك تعرض انجازاتك فى المجال بتاعك بشكل افضل وتقدر تعمل Tag لاى حد كان مشترك معاك فى المشروع ده عشان المصداقية.

7- Recommendations:
حاول يكون عندك اكتر من توصية على اكتر من منصب عندك عشان يبقى عندك مصداقية اكبر لتميزك وتقدر تحصل على توصيات عن طريق انك تطلبها من الناس اللى اشتغلت معاهم مباشرة.

8- Multimedia:
الخاصية دى بتوفرلك انك ترفق صور او Presentation او ملفات لل Profile بتاعك فا ممكن ترفق صور ليك اثناء شغلك فى كل منصب او ماتريال معينة متعلقة بمجالك او نماذج عمل من شغلك لو انت مصمم مثلا.

9- Keywords :
شوف ايه الكلمات المستخدمة بشكل كبير فى مجالك وحاول تكون موجودة بكثرة فى ال Profile بتاعك ودى اللى هتساعدك تظهر فى البحث بشكل افضل من اى حد فى مجالك وهيوصلك لفرص اسرع.

10- Connection:
حاول يكون عندك اكتر من 500 Connection على Linkedin بنسبة 60%فى المجال بتاعك والباقى فى بقية المجالات والناس اللى بتشتغل فى ال HR فى الشركات اللى نفسك تشتغل فيها لان قوة Linkedin فى ال Network اللى عندك واد ايه انت بتتواصل معاهم وبتعرض نفسك قدامهم وده اللى هيميزك عن اى حد فى مجالك وهيوصلك لفرص اقوى.

 

اخيرا احنا اتكلمنا بس على اساسيات ال Profile بتاعك على Linkedin وهنتكلم فى مقالتنا اللى جاية عن معلومات Advanced اكتر تساعدك تتميز اكتر عن اى حد فى مجالك وتسوق لنفسك بشكل مميز على Linkedin .

بواسطة فريق التحرير في 4/08/2015 08:44:00 م تحت قسم سوق العمل

5 نصائح عشان تتجنب النهاية السيئة لل C.V بتاعك

المثال السابق فى الصورة بيثبت ان التقديم على وظيفة بالطريقة الغلط ممكن يوصل الـ C.V بتاعك للنهاية دى !!

ممكن تبقى صدمة لناس كتير بس عايزين نتعلم منها.

الفكرة انك اثناء البحث عن وظيفة تتجنب طريقة مندوبى المبيعات او بياع النعناع فى الاتوبيس،اللى بيحط باكو نعناع على رجل كل زبون لغاية ما حد يشترى.

• ولازم تكون الـ 5 نصائح في بالك دائماً :

1- متقدمش على وظيفة اكبر بكتيير من امكانياتك ومؤهلاتك, خليك واقعى واشتغل على نفسك.

2- متبعتش ال C.V بتاعك للشركات بشكل عشوائى ووضح انت مقدم على وظيفة ايه ؟او مجال ايه بالتحديد؟ فى عنوان ورسالة الـ Email بتاعك واسم الـ C.V.

3- متلفش على الشركات وتوزع الـ C.V بتاعك من غير ما يكونوا محتاجين اصلاً تخصصك او يكونوا فاتحين باب التقديم للوظائف, بحث صغير على موقع الشركة او Linkedin هيوصلك بيهم وبمسئولى التعيين شخصياً اللى مش هتعرف تكلمهم بزيارتك للشركة.

4- ادرس كل وظيفة بتقدم عليها وعدل الـ C.V مخصوص ليها وعلى متطلباتها, مفيش حاجة اسمها C.V واحد بتقدم بيه على اى حاجة, خليك بياع شاطر واظهر المؤهلات اللى هم محتاجينها بشكل اكبر واقنعهم انك افضل حد للوظيفة.

5- ابنى شبكة علاقات قوية فى مجالك داخل الشركات اللى نفسك تشتغل فيها وده اللى هيوصلك للفرص الغير معلن عنها جوا الشركات دى وهيخلى شطارتك هى واسطتك الحقيقية و Linkedin اكتر حاجة ممكن تساعدك فى ده.

متقللش من قيمتك, واشتغل على نفسك عشان تبقى الافضل.
اتميز عن الزحمة الموجودة فى سوق العمل ودور على شغل بطرق احترافية.

انت تستاهل اكتر بكتيير من ان الـ C.V بتاعك تكون اخرته سلة القمامة!

بواسطة فريق التحرير في 4/08/2015 07:26:00 م تحت قسم سوق العمل

5 نصائح هتساعدك تظهر نفسك

5 نصائح هتساعدك تظهر نفسك وتتميز فى وسط الزحمة 
الموجودة فى مجالك/ سوق العمل؟!


1- متحاولش تقلد حد:
متفكرش تاخد كورس او شهادة لمجرد ان كل الناس واخداها,حدد بنفسك ايه اكتر حاجة انت محتاج تتعلمها او تطبقها فى مجالك وهتميزك عن المنافسة, لانك لو فضلت تقلد الناس, هتبقى نسخة منهم ويمكن اقل,دور على اللى يميزك انت واشتغل انك تكون افضل حد بيعمله.

2- اتخصص فى حاجة واحدة:
مفيش حد بيحب يشترى من الشخص اللى بيبيع اى حاجة لكل الناس,اختار اكتر تخصص انت بتحبه فى مجالك وعليه طلب فى السوق وممكن يبقى مصدر دخلك وابتدى ركز فيه ومتشتتش نفسك بأنك تبقى بتاع كله.

3- اشتغل على نقاط قوتك اكتر من نقاط ضعفك:
احسن واحد فى اى مجال هو الشخص اللى عنده نقاط قوة افضل واقوى من اى شخص تانى, تكتفيش فقط انك تصلح من عيوبك وتكمل اللى ناقصك عشان تبقى كويس, واشتغل اكتر على تطوير نقاط قوتك عشان تكون الافضل فى مجالك. 

4- اتعلم كل جديد:
تابع كل الاخبار والتحديثات عن مجالك حتى لو صعب تطبقها كلها هنا, ده هيزود معرفتك وهيبهر ناس كتير بيك وهيميزك عن منافسينك.
مصادرك ممكن تكون متابعتك لاشخاص او لصفحات مشهورة فى مجالك, او تقدر تعتمد على خدمة Linkedin Pulse وتعمل من خلالها متابعة للمجالات او الاشخاص اللى مهتم بيهم.

5- اعرض قيمتك وليس مؤهلاتك:
عدد سنين خبرتك والشهادات والكورسات اللى خدتها ليست دليل كافى ان انت الشخص الافضل فى مجالك, حاول تعرض وتتكلم اكتر عن انجازاتك والمشاكل اللى حلتها فى مجالك وازاى هتفيد الشركات او عملائك بشطارتك.

فى اساليب كتير هتساعدك تعمل ده فى ال Resuem او على Linkedin او اثناء بحثك عن وظيفة.

بواسطة فريق التحرير في 4/07/2015 12:22:00 ص تحت قسم سوق العمل

موضوع كامل عن الـ freelance وكورساته ومواقعه ومميزاته وعيوبه

•  يعني إيه freelance ؟؟

 ببساطه يعني العمل الحُرعبر الانترنت ..  أن تعمل بمنتهى الحرية في الاوقات التى تناسبك وبالطريقة التي تناسبك بالدخل الذي تريده ، وبمعنى آخر ان تكون انت مدير نفسك وانت المتحكم فى قراراتك تحدد بنفسك ما الذى تريده فى عملك وما الذى لاتريده وتحدد كيف تطور عملك.

 

•  ما هي مجالات الـ freelance ؟؟

مجالات العمل الحر كثيرة وتشمل كافة المجالات تقريباً ولكن هناك بعض المجالات الشائعة يعمل بها معظم الناس منها: البرمجة / تصميم المواقع /تصميم الصور والفيديوهات/تسويق الكتروني/كاتب أو مترجم / grin emoticon . يعني لو  شايف نفسك متميز في مجال من المجالات السابقة أو أي مجال عمومًا ، يبقي لازم تبدأ في الـ freelance من دلوقتى.

• ما هي مميزات الـ freelance ؟؟

- حرية العمل فى أى مكان فى المنزل او الحديقة او اى مكان مناسب.
- بإمكانك الاتصال مع العملاء من اى دولة على الانترنت.
- نتائج مادية كبيرة ولكن شرط ان تعمل فى مجال تحبه لكى تصبر.

 

• ما هي عيوب الـ freelance ؟؟

المستجدين فى مجال العمل الحر قد يجدون بعض المشاكل فى البداية مع العمل الحر مثل :-
- تنظيم او ادارة الوقت بشكل مناسب.
- الوصول بمستوى العمل الذى تستطيع جذب العملاء اليك.
- كيفية التعامل مع العملاء واسلوب العرض والاسعار.

•  أهم مواقع الـ freelance :

1. Odesk
   واحد من أفضل المواقع للعمل الحر على الانترنت، واذا كنت تريد ان تعمل كـ freelancer معتمد في هذا الموقع في تخصص معين فالموقع يوفر لك بعض الاختبارات ان نجحت فيها اصبحت مؤهل للعمل بالموقع كمعتمد في هذا التخصص ..
   كورس مقدمه و شرح للموقع.
2. Elance
   هذا الموقع يمنحك طرق ربح متعددة و هو ليس معقد للغاية ، لكن عيبه أن عدد الطلبات التي يمكنك أن تقدمها للعمل قليلة جدا و تتجدد مرة في الشهر فقط ، و من أجل الحصول على المزيد من طلبات العمل يجب أن تشتري عضوية مدفوعة...
   ورشة عمل لشرح الموقع.
3. Freelancer
   موقع رائع للعمل على الانترنت ، يمكنك العمل و جمع نقاط الخبرة ، كلما زادت نقاط خبرتك كلما زادت قيمتك في الموقع و بالتالي فرص عمل أكثر...
   ورشة عمل لشرح الموقع.
4. Guru
   موقع للعمل الحر ، الموقع موثوق جدا و يحمي كل من العامل و صاحب العمل ، يتوفر عدة مجالات عمل ، أطلق العنان لإمكانياتك .
5. Fiverr
   هذا الموقع هو النسخة الانجليزية لموقع خمسات و هو انت من يعرض خدماتك على العامة مقابل مبلغ معين 5 دولار مثلا وعلى الاخرين ارسال طلبهم لك.
6. One Hour translation
   موقع خاص بالترجمة ، يمكنك الربح من خلاله عن طريق ترجمة المقالات او القصص أو الكتابات التي يطرحها أصحاب العمل أيضاً.
7. 99Designs
   موقع خاص لتصميمات الصور يوجد به الاف العملاء وطلبات التصميمات. 
   

•  مواقع Freelance عربية :

1. خمسات
   وهو اشهر موقع عربى للخدمات المصغره , حيث يمكنك أن تضع عرضك للقيام بعمل معين مقابل 5 دولارات .
2. زينانو
   موقع عربى جديد مماثل لموقع خمسات ولكن يختلف انه يتبع نقابة التجارة الاكترونية بمصر ورائدها الشهير خالد محمد خالد.
3. خدمات
   مثل المواقع السابقة وهو جديد في هذا المجال وشخصيا لم اجربه حتى الان.

•  شرح لطريقة الربط و تحويل الاموال:

http://goo.gl/0YtHPp

• لمزيد من الشرح تابع القناة الآتية :

https://www.youtube.com/user/Freelance4arabs

 

المصادر
1
2
3
4
5 

بواسطة فريق التحرير في 4/05/2015 02:09:00 ص تحت قسم سوق العمل، كورسات